കേന്ദ്ര സാഹിത്യ അക്കാദമി പുരസ്കാരങ്ങള് പ്രഖ്യാപിച്ചു
BY fousiya sidheek23 Jun 2017 4:38 AM GMT
fousiya sidheek23 Jun 2017 4:38 AM GMT
ന്യൂഡല്ഹി: ഈ വര്ഷത്തെ കേന്ദ്ര സാഹിത്യ അക്കാദമി പുരസ്കാരം പ്രഖ്യാപിച്ചു. ബാലസാഹിത്യം, യുവസാഹിത്യം എന്നീ വിഭാഗങ്ങളില് വിവിധ ഭാഷകളില്നിന്നുള്ള ഈ വര്ഷത്തെ മികച്ച എഴുത്തുകാരെയാണ് അക്കാദമി പ്രഖ്യാപിച്ചത്. യുവസാഹിത്യ പുരസ്കാരം അശ്വതി ശശികുമാറിന്റെ 'ജോസഫിന്റെ മണം' ചെറുകഥാ സമാഹാരം നേടിയപ്പോള് ബാലസാഹിത്യ രംഗത്തെ പുരസ്കാരം എസ് ആര് ലാലിന് 'കുഞ്ഞുണ്ണിയുടെ യാത്രാപുസ്തകം' എന്ന നോവലിന് ലഭിച്ചു. വിവിധ ഭാഷകളിലായി 24 പേരാണ് യുവസാഹിത്യ പുരസ്കാരത്തിന് അര്ഹരായത്. അരലക്ഷം രൂപയും ശില്പവുമടങ്ങുന്നതാണ് യുവസാഹിത്യ പുരസ്കാരം. വിവിധ ഭാഷകളിലായി 24 പേരാണ് ബാലസാഹിത്യ പുരസ്കാരത്തിന് അര്ഹരായത്. അരലക്ഷം രൂപയും ശില്പവുമടങ്ങുന്ന ബാലസാഹിത്യ പുരസ്കാരം നവംബര് 14നു നടക്കുന്ന ചടങ്ങില് സമ്മാനിക്കും. അക്കാദമി അധ്യക്ഷന് വിശ്വനാഥ് പ്രസാദ് ത്രിപാഠിയുടെ അധ്യക്ഷതയില് ഇന്നലെ ഗുവാഹത്തിയില് ചേര്ന്ന യോഗമാണ് വിജയികളെ പ്രഖ്യാപിച്ചത്. ഓരോ ഭാഷകളിലും മൂന്നംഗ ജൂറിയാണ് അവാര്ഡ് ജേതാക്കളെ തിരഞ്ഞെടുത്തത്. ഡോ. ജോയ് വാഴയില്, ഡോ. പി കെ രാജശേഖരന്, എം രാജീവ് കുമാര് എന്നിവരടങ്ങിയ ജൂറിയാണ് യുവസാഹിത്യ പുരസ്കാര ജേതാവിനെ തിരഞ്ഞെടുത്തത്. ബാലസാഹിത്യ പുരസ്കാര ജേതാവിനെ തിരഞ്ഞെടുക്കാനുള്ള ജൂറിയില് ഡോ. വല്സല ബേബി, പ്രഫ. സാറാ ജോസഫ്, സുമംഗല എന്നിവരായിരുന്നു അംഗങ്ങള്.
Next Story
RELATED STORIES
കളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTകോഴിക്കോട് മെഡിക്കല് കോളജ് ഐസിയു പീഡനക്കേസ് അതിജീവിതയുടെ സമരം...
23 April 2024 11:31 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMT