കൂഡ്‌ലു ബാങ്ക് കവര്‍ച്ച: പ്രതിയെ തേടി പോലിസ് കര്‍ണാടകയില്‍

കാസര്‍കോട്: കൂഡ്‌ലു സര്‍വീസ് സഹകരണ ബാങ്ക് ജീവനക്കാരെ ബന്ദികളാക്കി പട്ടാപകല്‍ 17 കിലോ സ്വര്‍ണവും 12 ലക്ഷം രൂപയും കവര്‍ന്ന കേസില്‍ ഒളിവില്‍ കഴിയുന്ന ഇടുക്കി സ്വദേശിയെ തേടി പോലിസ് കര്‍ണാടകയില്‍. ഇടുക്കി സ്വദേശി റജിയെ തേടിയാണ് അന്വേഷണ സംഘം കര്‍ണാടകയിലെത്തിയത്. റജിയടക്കം എട്ടുപേരാണ് കവര്‍ച്ചയിലുണ്ടായിരുന്നത്. മറ്റു പ്രതികളെ നേരത്തെ അറസ്റ്റ് ചെയ്തിരുന്നു.
കഞ്ചാവ് വില്‍പന സംഘത്തിലെ മുഖ്യകണ്ണിയായ റജി നേരത്തെ മംഗളൂരു ബന്തറില്‍ മല്‍സ്യത്തൊഴിലാളിയായിരുന്നു. ഈ സമയത്താണ് കൂഡ്‌ലു ബാങ്ക് കവര്‍ച്ച നടത്താന്‍ സംഘത്തോടൊപ്പം ചേര്‍ന്നത്.