കുന്നുകള്‍ ഇടിച്ചുനിരത്തുന്നത് നിയന്ത്രിക്കണം: എസ്ഡിപിഐ

മുക്കം: കാരശ്ശേരി പഞ്ചായത്തിന്റെ വിവിധ ഭാഗങ്ങളില്‍ കുന്നുകള്‍ ഇടിച്ചു നിരത്തുന്നതും താഴ്ന്ന പ്രദേശങ്ങള്‍ മണ്ണിട്ട് നികത്തുകയും ചെയ്യുന്നത് പരിസ്ഥിതിക്ക് ഗുരുതരമായ വെല്ലുവിളിയാണെന്ന് നോര്‍ത്ത് കാരശേരിയില്‍ നടന്ന എസ്ഡിപിഐ തിരുവമ്പാടി മണ്ഡലം പ്രവര്‍ത്തക സംഗമം അഭിപ്രായപ്പെട്ടു. ഇത് കര്‍ശനമായി നിയന്ത്രിക്കണം . സംസ്ഥാന സമിതിയംഗം വി ടി ഇഖ്‌റാമുല്‍ ഹഖ് ഉദ്ഘാടനം ചെയ്തു. മണ്ഡലം പ്രസിഡന്റ് ടി പി മുഹമ്മദ് അധ്യക്ഷത വഹിച്ചു. ജില്ലാ ജനറല്‍ സെക്രട്ടറി നജീബ് അത്തോളി, സലീം കാരാടി, പി കെ ഉസ്മാനലി, ബഷീര്‍ എരഞ്ഞിമാവ് സംസാരിച്ചു.