'കുഞ്ഞുകൈകൡ കോഴിക്കുഞ്ഞ്' സ്‌കൂള്‍ തല വിതരണോദ്ഘാടനം

കൊടുങ്ങല്ലൂര്‍: കേരള സംസ്ഥാന പൗള്‍ട്രി വികസന കോര്‍പ്പറേഷന്‍ നടപ്പിലാക്കുന്ന “കുഞ്ഞുകൈകൡ കോഴിക്കുഞ്ഞ്’ സ്‌കൂള്‍ തല വിതരണോദ്ഘാടനം ഞയാറാഴ്ച്ച നടക്കും.
കയ്പമംഗലം എംഎല്‍എ ഇ ടി ടൈസണ്‍ മാസ്റ്ററുടെ ശുപാര്‍ശയില്‍ അഴീക്കോട് സീതി സാഹിബ് മെമ്മോറിയല്‍ ഹൈസ്‌കൂളില്‍ രാവിലെ 11നാണ് വിതരണോദ്ഘാടനം നടക്കുകയെന്ന് പ്രധാന അധ്യാപിക പി വി ലിസി ടീച്ചര്‍, പിടിഎ പ്രസിഡന്റ് ഇ വി വേണു, മുഖ്യസംഘാടകരായ പി എ സീതിമാസ്റ്റര്‍, പി എ ഫസീലത്ത് ടീച്ചര്‍, സ്റ്റാഫ് സെക്രട്ടറി വി ബി ഷെമീറ അറിയിച്ചു. ഇ ടി ടൈസണ്‍ മാസ്റ്റര്‍ എംഎല്‍എ ഉദ്ഘാടനം നിര്‍വഹിക്കും. കേരള സ്റ്റേറ്റ് പൗള്‍ട്രി ഡെവലപ്‌മെന്റ് കോര്‍പ്പറേഷന്‍ ചെയര്‍പേഴ്‌സണ്‍ ജെ ചിഞ്ചുറാണി അധ്യക്ഷത വഹിക്കും. പദ്ധതിയോടനുബന്ധിച്ച് സ്‌കൂളിലെ എട്ട്, ഒമ്പത് ക്ലാസുകളില്‍ പഠിക്കുന്ന മുഴുവന്‍ കുട്ടികള്‍ക്കും കോഴികുഞ്ഞുങ്ങളെ നല്‍കും.