കാസര്‍കോടിനോടുള്ള അവഗണനയില്‍ പ്രതിഷേധിച്ച് എന്‍ എ നെല്ലിക്കുന്ന്

തിരുവനന്തപുരം: കാസര്‍കോട് ജില്ലയോടുള്ള വികസന അവഗണന രാഷ്ട്രീയ ജാഥകളുടെ പശ്ചാത്തലത്തില്‍ സഭയില്‍ എത്തിച്ച് എന്‍എ നെല്ലിക്കുന്ന്. രഷ്ട്രീയ പാര്‍ട്ടികളുടെ എല്ലാം ജാഥകളും പ്രകടനങ്ങളും ആഘോഷപൂര്‍വം ആരംഭിക്കുന്നത് കാസര്‍കോഡ് ജില്ലയില്‍ നിന്നാണ്. എന്നാല്‍ വികസനപദ്ധതികളുടെ ആരംഭത്തിന് കാസര്‍കോഡിനെ പരിഗണിക്കില്ല. എല്ലാ പദ്ധതികളുടെയും അവസാനമാണ് ഇവിടെ നടക്കുന്നത്. അതുകൊണ്ട് തന്നെ പദ്ധതികള്‍ കൃത്യമമായി നടക്കുന്നില്ലെന്നും നെല്ലിക്കുന്ന് പറഞ്ഞു. ഇതിന് പരിഹാരം ഉണ്ടാക്കാമെന്നായിരുന്നു മുഖ്യമന്ത്രിയുടെ മറുപടി. ദേശീയ ജല—പാത തിരുവനന്തപുരത്ത് നിന്നാരംഭിച്ച് കാസര്‍കോഡ് എത്തട്ടെ, പകരം ദേശീയപാതയുടെ വികസനം കാസര്‍കോഡ് നിന്നാരംഭിച്ച് തിരുവനന്തപുരത്ത് അവസാനിപ്പിക്കാമെന്നും മുഖ്യമന്ത്രി പറഞ്ഞു.