കല്യാണ വീട്ടിലെ വിരുന്നൊരുക്കത്തിന് വാങ്ങിയ കോഴിയിറച്ചിയില്‍ പുഴു

എടപ്പാള്‍: കല്യാണ വീട്ടിലെ വിരുന്നൊരുക്കത്തിന് വാങ്ങിയ കോഴിയിറച്ചിയില്‍ പുഴു. തവനൂര്‍ കടകശ്ശേരി ദുര്‍ഗ്ഗ നഗറിലാണ് സംഭവം.കഴിഞ്ഞ ദിവസം വിവാഹം കഴിഞ്ഞ തവനൂര്‍ കടകശ്ശേരി ദുര്‍ഗ്ഗ നഗര്‍ തൂവ്വപാടത്ത് പാര്‍വതിയുടെ മകളുടെ വിവാഹത്തിന്റെ വിരുന്നൊരുക്കത്തില്‍ വാങ്ങിയ കോഴിയിറച്ചിയിലാണു പുഴുവിനെ കണ്ടെത്തിയത്. തിങ്കളാഴ്ച്ച രാവിലെ 8 മണിയോടെ നരിപ്പറമ്പില്‍ പൊന്നാനി റോഡിലുള്ള ചിക്കന്‍ കടയില്‍ നിന്നാണ് ഇറച്ചി വാങ്ങിയത്. വീട്ടിലെത്തിച്ച് പാചകം ചെയ്യുന്നതിനിടയില്‍ പുഴു തിളച്ചു മുകളിലേക്കു വരുകയായിരുന്നു.തുടര്‍ന്ന് പുറത്തു നിന്നും ഭക്ഷണം എത്തിച്ചാണ് വിരുന്ന് നടത്തിയത്. സംഭവത്തെ തുടര്‍ന്ന് വീട്ടുകാര്‍ ആരോഗ്യ വകുപ്പിനെയും കുറ്റിപ്പുറത്തെ ഫുഡ് ആന്റ് സേഫ്റ്റി കണ്‍ട്രോള്‍ വകുപ്പിനെയും വിവരം അറിയിച്ചെങ്കിലും.പരിശോധനക്കെത്താന്‍ ആളില്ലെന്നാണ് അറിയിച്ചത്. സാമ്പിള്‍ ശേഖരിച്ച് പരാതി നല്‍കാനുള്ള ഒരുക്കത്തിലാണു വീട്ടുകാര്‍.