കലക്ടറേറ്റ് വളപ്പില്‍ മദ്യപിച്ച് ബഹളം: ജില്ലാ പഞ്ചായത്ത് ജീവനക്കാര്‍ അറസ്റ്റില്‍

പത്തനംതിട്ട: കലക്ടറേറ്റ് വളപ്പില്‍ മദ്യപിച്ച് ബഹളം കൂട്ടിയ ജില്ലാ പഞ്ചായത്തിലെ നാലു  ജീവനക്കാര്‍ അറസ്റ്റില്‍. ലിജോ വി മാത്യു, ജിതേഷ്, വിഗ്‌നേശ്വര റാവു, സുജിത്ത് എന്നിവരാണ് അറസ്റ്റിലായത്. ഞായറാഴ്ച രാത്രി 11.30നാണ് സംഭവം. ജില്ലാ കേരളോത്സവവുമായി ബന്ധപ്പെട്ട് ജില്ലാ പഞ്ചായത്തില്‍ ഡ്യൂട്ടിയിലുണ്ടായിരുന്നവരാണ് 4 പേരും. ഭക്ഷണം കഴിക്കാന്‍ പോയി വന്ന ഇവര്‍ കലക്ടറേറ്റിലെ റവന്യൂ വിഭാഗം ജീവനക്കാരുമായി വാക്കേറ്റമുണ്ടായി. കലക്ടറേറ്റ് കവാടത്തിലെ ഗ്രില്‍ തുറക്കണം എന്നാവശ്യപ്പെട്ടായിരുന്ന ബഹളം. റവന്യൂ ജീവനക്കാര്‍ വിവരം കലക്ടറെ അറിയിച്ചു. കലക്ടര്‍ എസ്.പിയോട് പരാതിപ്പെട്ടതിന്റെ അടിസ്ഥാനത്തില്‍ പോലീസ് എത്തി 4 പേരെയും കസ്റ്റഡിയില്‍ എടുത്തു. പിന്നീട് ജാമ്യത്തില്‍ വിട്ടു.

[related]