കര്‍ഷകര്‍ക്ക് ചെറുപുഴ പഞ്ചായത്തു വക രാസവളം

ചെറുപുഴ: ചെറുപുഴ പഞ്ചായത്ത് ഈ വര്‍ഷത്തെ പദ്ധതിയില്‍ കര്‍ഷകര്‍ക്ക് വിതരണം ചെയ്യുന്നത് രാസവളം. പഞ്ചായത്ത് നടപടിക്കെതിരേ വ്യാപക പ്രതിഷേധം ഉയരുന്നു.
സംസ്ഥാനത്ത് സര്‍ക്കാര്‍ ജൈവകൃഷിയെ പ്രോല്‍സാഹിപ്പിക്കുമ്പോഴാണ് ചെറുപുഴ പഞ്ചായത്ത് കര്‍ഷകര്‍ക്ക് രാസവളം നല്‍കുന്നത്. കഴിഞ്ഞ വര്‍ഷത്തെ പദ്ധതിയില്‍ പഞ്ചായത്ത് ഭരണസമിതി കര്‍ഷകര്‍ക്ക് ജൈവവളം ഇഷ്ടമുള്ള സ്ഥലത്ത് നിന്നു വാങ്ങാന്‍ അനുമതി നല്‍കിയാണ് പദ്ധതി നടപ്പാക്കിയത്. ഈ വര്‍ഷം ഒരു സ്വകാര്യ കമ്പനിയുടെ രാസവളമാണ് പഞ്ചായത്ത് പദ്ധതിയിലൂടെ കര്‍ഷകരെ അടിച്ചേല്‍പ്പിക്കുന്നത്. 25 ലക്ഷം രൂപയുടെ വളമാണ് നല്‍കുന്നത്.