കയര് സഹകരണ സംഘങ്ങളെ ആധുനിക യന്ത്രവല്കൃത ഫാക്ടറികളാക്കും
BY fousiya sidheek6 Oct 2017 3:37 AM GMT
fousiya sidheek6 Oct 2017 3:37 AM GMT
ആലപ്പുഴ: കേരളത്തിലെ കയര് സഹകരണ സംഘങ്ങളെ ആധുനിക യന്ത്രവല്കൃത ഫാക്ടറികളാക്കി മാറ്റുമെന്ന് മുഖ്യമന്ത്രി പിണറായി വിജയന്. അതോടൊപ്പം പരമ്പരാഗത കയര്ത്തൊഴിലാളികള്ക്ക് കൂടുതല് സഹായങ്ങള് ലഭ്യമാക്കാനും സര്ക്കാര് പ്രതിജ്ഞാബദ്ധമാണെന്ന് അദ്ദേഹം ചൂണ്ടിക്കാട്ടി. ഏഴാമത് കയര് കേരള ഉദ്ഘാടനം ചെയ്യുകയായിരുന്നു അദ്ദേഹം. കയര്വ്യവസായമേഖലയില് ആധുനികവല്ക്കരണം കൊണ്ടുവരുന്നതോടെ കൂടുതല് സാങ്കേതികവിദ്യകള് ആവശ്യമായി വരുമെന്നും അഭ്യസ്തവിദ്യരായ പുതിയ തലമുറയെ ഈ വ്യവസായമേഖലയിലേക്ക് ആകര്ഷിക്കാന് ഇതു സഹായകമാവുമെന്നും മുഖ്യമന്ത്രി പറഞ്ഞു. അടുത്ത മൂന്നു വര്ഷത്തിനകം മുഴുവന് കയര്ത്തൊഴിലാളികള്ക്കും സഹകരണ സംഘങ്ങള് വഴി ഇലക്ട്രോണിക് റാട്ടുകള് വിതരണം ചെയ്യുകയും അവ ഉപയോഗിക്കാന് ആവശ്യമായ പരിശീലനം നല്കുകയും ചെയ്യും. നാളികേരത്തിന്റെ ഉല്പാദനക്കുറവ് കയര്വ്യവസായത്തെ ബാധിച്ചു. ഈ അവസരം തമിഴ്നാട് നന്നായി ഉപയോഗിച്ചുതുടങ്ങിയതോടെ കേരളത്തിന് ചകിരിക്കായി തമിഴ്നാടിനെ ആശ്രയിക്കേണ്ടിവന്നു. നാളികേര ഉല്പാദനം വര്ധിപ്പിച്ചും ചകിരിയുടെ ലഭ്യത കൂട്ടിയും ഈ പ്രതിസന്ധി മറികടക്കാന് കഴിയണമെന്നും മുഖ്യമന്ത്രി പറഞ്ഞു. അന്തര്ദേശീയ പവലിയന് പൊതുമരാമത്ത് മന്ത്രി ജി സുധാകരന് ഉദ്ഘാടനം ചെയ്തു. ദേശീയ പവലിയന് സിവില് സപ്ലൈസ് മന്ത്രി പി തിലോത്തമന് ഉദ്ഘാടനം ചെയ്തു. ധനമന്ത്രി ഡോ. ടി എം തോമസ് ഐസക് അധ്യക്ഷത വഹിച്ചു. ഡോ. ടി എം തോമസ് ഐസക് രചിച്ച 'കേരള കയര് ദി അജണ്ട ഫോര് മോഡേനൈസേഷന്' എന്ന ഇംഗ്ലീഷ് പുസ്തകം മുന് എംപിയും കയര് ബോ ര്ഡ് ചെയര്മാനുമായ സി പി രാധാകൃഷ്ണന് പ്രകാശനം ചെയ്തു.
Next Story
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT