കനയ്യ കുമാറിനെതിരായി രാജ്യദ്രോഹ കേസ് എടുക്കണമെന്ന ഹരജി കോടതി തള്ളി

ന്യൂഡല്‍ഹി: രാജ്യദ്രോഹ കേസില്‍ അറസ്റ്റിലായി ജാമ്യത്തില്‍ ഇറങ്ങിയ ജെഎന്‍യു വിദ്യാര്‍ഥി യൂനിയന്‍ പ്രസിഡന്റ് കനയ്യ കുമാറിനെതിരായി ഡല്‍ഹി ഹൈക്കോടതിയില്‍ നല്‍കിയ മറ്റൊരു ഹരജി കോടതി തള്ളി.

ജാമ്യത്തില്‍ ഇറങ്ങിയ ശേഷവും രാജ്യദ്രോഹ പരാമര്‍ശം നടത്തിയെന്നും അദ്ദേഹത്തിനെതിരെ കേസെടുക്കണമെന്നുമായിരുന്നു ഹരജിയില്‍ വ്യക്തമാക്കിയിരുന്നത്.  ദേവ് ദത്ത് ശര്‍മ്മ എന്ന വ്യക്തിയാണ് ഹരജിക്കാരന്‍.



രാജ്യത്ത് ഏതെങ്കിലും തരത്തിലുള്ള ദേശവിരുദ്ധ മുദ്രാവാക്യം ആരെങ്കിലും ഉയര്‍ത്തുന്നുണ്ടെങ്കില്‍ അത് രാജ്യത്തെ നിയമപാലകര്‍ ശ്രദ്ധിക്കുമെന്നും ഇത് രാജ്യത്തിന്റെ പ്രതിച്ഛായ നഷ്ടമാകുമെന്ന ആധി ഹരജിക്കാരന് വേണ്ടെന്നും ഹരജി തള്ളി കൊണ്ട് ജസ്റ്റിസ് പ്രതിഭാ റാണി വ്യക്തമാക്കി.

[related]