കണ്ണൂര്‍ റെയില്‍വെ പൊലീസ് സ്‌റ്റേഷനിലെ ഉദ്യോഗസ്ഥന്‍ തീവണ്ടി തട്ടി മരിച്ചു

കണ്ണൂര്‍: കണ്ണൂര്‍ റെയില്‍വെ പൊലീസ് സ്‌റ്റേഷനിലെ ഉദ്യോഗസ്ഥന്‍ തീവണ്ടി തട്ടി മരിച്ചു. തളിപ്പറമ്പ് കൂവോട് എ.കെ.ജി സ്‌റ്റേഡിയത്തിന് സമീപത്തെ ആക്കല്‍ ജനാര്‍ദ്ദനന്‍(52) ആണ് മരിച്ചത്. പുലര്‍ച്ചെ മൂന്നോടെ കണ്ണൂര്‍ റെയില്‍വെ സ്‌റ്റേഷനിലാണ് അപകടം. പരേതരായ കരയപ്പാത്ത് രാമുണ്ണിയുടെയും ആക്കല്‍ ലക്ഷ്മിയുടെയും മകനാണ്. ഭാര്യ: റീജ. മക്കള്‍: അഭിന്‍, ലന.സഹോദരങ്ങള്‍: ബാലകൃഷ്ണന്‍, ചന്ദ്രി, ലീല, അനിത, പരേതയായ ലക്ഷ്മി. ശവസംസ്‌കാരം ഇന്ന് ഉച്ചയ്ക്ക് രണ്ടിന് കൂവോട് പൊതുശ്മശാനത്തില്‍.