കടബാധ്യത; കര്‍ഷകന്‍ ജീവനൊടുക്കി

കാസര്‍കോഡ്:പച്ചക്കറി കൃഷിയില്‍ നഷ്ടം സംഭവിച്ചതിനെ തുടര്‍ന്ന് കര്‍ഷകന്‍ ജീവനൊടുക്കി. ബെദിരടുക്ക കംമ്പാറിലെ കൊറഗപ്പ ഭണ്ഡാരി (47) യാണ് ഇന്നലെ വൈകിട്ട് പാട്ടത്തിന് കൃഷി ചെയ്യുന്ന പുളി മരത്തില്‍ കെട്ടിതൂങ്ങി ജീവനൊടുക്കിയത്. നാലുവര്‍ഷത്തോളമായി മധുര്‍ പറക്കിഴയില്‍ പച്ചക്കറി- നെല്‍കൃഷി ചെയ്തുവരികയായിരുന്നു. പലരില്‍ നിന്ന് കടംവാങ്ങിയാണ് കൃഷി നടത്തിയതെന്ന് ബന്ധുക്കള്‍ പറഞ്ഞു. കൃഷിയില്‍ നഷ്ടം നേരിട്ടതിനെ തുടര്‍ന്ന് കടബാധ്യതയുണ്ടായി. ആത്മഹത്യ കുറിപ്പ് കണ്ടെത്തിയിട്ടുണ്ട്.
ഭാര്യ ലളിത. മക്കള്‍ ലിഗിത്, മേഘശ്രീ. സഹോദരങ്ങള്‍ ബോജരാജ, നമിത.