ഓരേ സീരിയലില്‍ ഒരേ നമ്പറില്‍ ലോട്ടറി ടിക്കറ്റ്

തലശ്ശേരി: കേരള സംസ്ഥാന ഭാഗ്യക്കുറിയുടെ ലോട്ടറി ടിക്കറ്റിന് വ്യാജനും. ഇന്ന് നറുക്കെടുക്കുന്ന സ്ത്രീ സുരക്ഷാ ഭാഗ്യക്കുറി ടിക്കറ്റിനാണ് വ്യാജനുള്ളത്.
ഒരേ സീരിയലില്‍ ഒരേ നമ്പറുള്ള രണ്ട് ടിക്കറ്റാണ് ലോട്ടറി ഡിപാര്‍ട്ട്‌മെന്റിന്റേതായി പുറത്തിറങ്ങിയിരിക്കുന്നത്. ഭാഗ്യക്കുറി ടിക്കറ്റില്‍ വ്യാജന്മാര്‍ കടന്നു വരുന്നുണ്ടെന്ന പരാതിക്ക് തെളിവാണ് ഈ ടിക്കറ്റുകള്‍. തലശ്ശേരിയിലെ കൈരളി ലോട്ടറി ഏജന്‍സിയില്‍ നിന്നു ചൊക്ലി സ്വദേശി വാങ്ങിയ ടിക്കറ്റിന്റെ എസ്ഡബ്ലു 378092 നമ്പറില്‍ രണ്ട് ലോട്ടറി ടിക്കറ്റാണ് പ്രസിദ്ധീകരിച്ചിട്ടുള്ളത്. ചൊക്ലി മേനപ്രത്തെ ഒരധ്യാപകന് ഇദ്ദേഹം ടിക്കറ്റ് വില്‍പന ചെയ്തപ്പോഴാണ് സംഭവം ശ്രദ്ധയില്‍പെട്ടത്. ജില്ലാ ലോട്ടറി മാനേജര്‍ക്ക് പരാതി നല്‍കിയിട്ടുണ്ട്.