ഓട്ടോറിക്ഷാ ഡ്രൈവര്‍ക്ക് വെട്ടേറ്റു

ചെറുപുഴ: പണം വട്ടിപ്പലിശയ്ക്ക് നല്‍കുന്നയാളുടെ വെട്ടേറ്റ് ഓട്ടോറിക്ഷാ ഡ്രൈവര്‍ക്ക് പരിക്ക്. കോഴിച്ചാലിലെ അനീഷിനാണ് പരിക്കേറ്റത്.
കഴിഞ്ഞ ദിവസം രാവിലെ 10ഓടെയാണ് സംഭവം. അങ്കണവാടിക്ക് സമീപം വണ്ടി തടഞ്ഞായിരുന്നു ആക്രമണം. കൈക്ക് സാരമായി പരിക്കേറ്റ അനീഷിനെ ചെറുപുഴയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ചെറുപുഴ പോലിസില്‍ പരാതി നല്‍കിയിട്ടും രണ്ടുതവണ ആശുപത്രിലെത്തിയ പോലിസ് മൊഴിയെടുക്കാന്‍ തയ്യാറായില്ലെന്ന് ഇയാള്‍ പറഞ്ഞു.