ഒറ്റമശ്ശേരി ഇരട്ടക്കൊലപാതകം: തെളിവെടുപ്പ് നടത്തി

പട്ടണക്കാട്: ഒറ്റമശേരിയില്‍ രണ്ടുപേരെ ലോറിയിടിപ്പിച്ചുകൊന്ന കേസിലെ പ്രതികളെ സംഭവസ്ഥലത്തെത്തിച്ചു തെളിവെടുപ്പു നടത്തി.
ഒന്നാം പ്രതി അന്ധകാരനഴിയില്‍ തൈയ്യില്‍ പോള്‍സണ്‍, രണ്ടാം പ്രതി സഹോദരന്‍ താലീഷ് എന്നിവരെയാണ് ഞായറാഴ്ച രാവിലെ 8.30ന് തെളിവെടുപ്പിനായി കൊണ്ടുവന്നത്. പട്ടണക്കാട് എസ്‌ഐ അജയ്‌മോഹന്‍, കുത്തിയതോട് എസ് ഐ അഭിലാഷ് എന്നിവരുടെ നേതൃത്വത്തില്‍ വന്‍ പോലിസ് സന്നാഹം സ്ഥലത്തെത്തി. തൊട്ടടുത്ത നിമിഷം പ്രതികളുമായി കുത്തിയതോട് സി ഐ കെ ആര്‍ മനോജുമെത്തി. കൊലനടന്ന ദിവസം ഉച്ചയ്‌ക്കെത്തിയ പ്രതികള്‍ വൈകീട്ട് അഞ്ചുവരെ ഷാപ്പിലാണ് തമ്പടിച്ചത്. 5.30 നാണ് കൊലനടത്തിയത്.
മറ്റു പ്രതികളായ കൊക്കോതമംഗലം മേലേപ്പൊക്കാട്ട് അജേഷ്, അഞ്ചാം പ്രതി സഹോദരന്‍ വിജേഷ് എന്നിവരെ തെളിവെടുപ്പിനായി കൊണ്ടുപോയില്ല. തിങ്കളാഴ്ച പ്രതികളെ കോടതിയില്‍ ഹാജരാക്കും.