ഒരേ ബൂത്തില്‍ വോട്ട് ചെയ്ത രണ്ട് എംഎല്‍എമാര്‍ക്കും ജയം

കൊടുവള്ളി: ജിഎംഎല്‍പി സ്‌കൂളിലെ 69ാം നമ്പര്‍ ബൂത്തില്‍ ഒരേ സമയം വോട്ട് ചെയ്ത രണ്ട് സ്ഥാനാര്‍ഥികള്‍ക്കും ജയം. എല്‍ഡിഎഫ് സ്വതന്ത്ര സ്ഥാനാര്‍ഥികളായി കൊടുവള്ളിയില്‍ നിന്നും കന്നി മത്സരത്തില്‍ വിജയം വരിച്ച കാരാട്ട് റസാഖും കുന്ദമംഗലത്ത് രണ്ടാം തവണയും വിജയം വരിച്ച പി ടി എ റഹീമുമാണ് അവര്‍. ഇരുവരും അവരുടെ പ്രാഥമിക വിദ്യഭ്യാസം പൂര്‍ത്തീകരിച്ചതും ഈ വിദ്യാലയത്തില്‍ തന്നെ. കൊടുവള്ളി സ്വദേശികളായ റഹീമും കാരാട്ട് റസാഖും അയല്‍വാസികളും സുഹൃത്തുക്കളുമാണ്. ദീര്‍ഘകാലം ലീഗില്‍ പ്രവര്‍ത്തിച്ച ഇരുവരും പാര്‍ട്ടി വിട്ട് ഇടതു പക്ഷത്ത് ചേര്‍ന്ന് സ്വതന്ത്ര സ്ഥാനാര്‍ഥകളായി മത്സരിച്ചാണ് വിജയിച്ചതെന്നതും ശ്രദ്ധേയമാണ്. വരുന്ന നിയമസഭയില്‍ കൊടുവള്ളിക്ക് രണ്ട് എംഎല്‍എമാരെ സ്വന്തമാക്കാന്‍ കഴിഞ്ഞിരിക്കുക.