ഏപ്രില് 29 മുതല് യുഎഇ ഓണ് അറൈവല് വിസ അനുവദിക്കില്ല
BY sdq Kappan22 March 2016 10:56 AM GMT
X
sdq Kappan22 March 2016 10:56 AM GMT
നിഷാദ് അമീന്
ജിദ്ദ: ജിസിസി രാജ്യങ്ങളിലെ പ്രവാസികള്ക്ക് വരുന്ന ഏപ്രില് 29 മുതല് യുഎഇയിലേക്ക് ഓ ണ് അറൈവല് വിസ അനുവദിക്കില്ലെന്ന് ദുബയ് എമിഗ്രേഷന് അതോറിറ്റി. യുഎഇയിലേക്ക് യാത്രചെയ്യുന്നതിന് മുമ്പു തന്നെ ഓണ്ലൈന് വിസ നേടിയിരിക്കണമെന്നും അല്ലാത്തവരെ തിരിച്ചയക്കുമെന്നും ട്രാവല് ഏജന്സികള്ക്ക് അയച്ച സര്ക്കുലറില് പറയുന്നു.
2016 ഏപ്രില് 29 മുതല് യാത്ര ചെയ്യുന്നവര്ക്കാണ് നിബന്ധന ബാധകം. ജിസിസി രാജ്യങ്ങളില് താമസരേഖയുള്ള ജിസിസിക്കാരല്ലത്ത വിദഗ്ധ തൊഴിലാളികള്ക്ക് നിലവില് യുഎഇയിലേക്ക് ഓണ് അറൈവല് വിസ അനുവദിക്കുന്നുണ്ട്. നേരത്തേ രണ്ടു തവണ ഓണ് അറൈവല് വിസ നിര്ത്തലാക്കി സര്ക്കുലര് അയച്ചിരുന്നെങ്കിലും പൂര്ണതോതില് നടപ്പാക്കിയിരുന്നില്ലെന്ന് ട്രാവല് ഏജന്സികള് വ്യക്തമാക്കി. ജിസിസി പൗരത്വമുള്ളവര്ക്ക് യുഎഇ സന്ദര്ശിക്കുന്നതിന് ഓണ്ലൈന് വിസയുടെ ആവശ്യമില്ല. പാസ്പോര്ട്ടോ തിരിച്ചറിയല് കാര്ഡോ ഉള്ളവര്ക്ക് ഓണ്ലൈന് വിസയില്ലാതെ തന്നെ യഥേഷ്ടം യാത്രചെയ്യാവുന്നതാണ്.
യുഎഇയിലേക്ക് യാത്ര ചെയ്യുന്ന വിദേശികളുടെ താമസ രേഖ ചുരുങ്ങിയത് മൂന്നു മാസത്തെ കാലാവധിയുള്ളതായിരിക്കണം. പാസ്്പോര്ട്ടിന് ആറു മാസത്തെ കാലാവധിയാണ് വേണ്ടത്. യാത്ര ചെയ്യുന്ന തിയ്യതി മുതലാണ് ഇത് രണ്ടും കണക്കാക്കുക. ഇ-വിസ ഇല്ലാതെ എത്തുന്നവരെ വിമാനത്താവളത്തിലെ യുഎഇ ഉദ്യോഗസ്ഥര് സ്വീകരിക്കില്ല. ഓണ്ലൈന് വിസയില്ലാതെ എത്തുന്ന യാത്രക്കാരെ ദുബയ് എമിഗ്രേഷന് ഉദ്യോഗസ്ഥര് വന്ന വിമാനത്താവളത്തിലേക്ക് തന്നെ തിരിച്ചയക്കും.
വിസ അപേക്ഷകള് www.e-dnr-d.a-e എന്ന വിലാസത്തിലാണ് നല്കേണ്ടത്. കൂടുതല് വിവരങ്ങള്ക്ക് 800 844 2000 എന്ന നമ്പറിലോ epagents@emirates.com എന്ന ഇ മെയില് വിലാസത്തിലോ ബന്ധപ്പെടാവുന്നതാണ്. [related]
Next Story
RELATED STORIES
മമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMTനിമിഷ പ്രിയയെ കാണാന് സാധിച്ചതിന്റെ ആശ്വാസവും സന്തോഷവും പങ്കുവെച്ച്...
25 April 2024 6:07 AM GMTകിറ്റ് വിതരണം കെ സുരേന്ദ്രന് വേണ്ടി; തോല്വിയുടെ ആഘാതം കുറയ്ക്കാന് :...
25 April 2024 5:49 AM GMTപട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMT