ഉഷ്ണക്കാറ്റ്: രാജ്യത്ത് മരിച്ചത് 100ലേറെ പേര്‍

യൂഡല്‍ഹി: കനത്ത ചൂടിനെത്തുടര്‍ന്നുണ്ടായ ഉഷ്ണക്കാറ്റില്‍ രാജ്യത്ത് 100ലേറെ പേര്‍ മരിച്ചെന്ന് സര്‍ക്കാര്‍ കണക്കുകള്‍. തെലങ്കാനയില്‍ 45ഉം ഒഡിഷയില്‍ 43ഉം ആന്ധ്രയില്‍ 17 ഉം പേരാണ് മരിച്ചത്. ഇതിലേറെയും തൊഴിലാളികളും കര്‍ഷകരുമാണ്. രാജ്യത്ത് ഏറ്റവുമധികം ചൂട് അനുഭവപ്പെടുന്ന തെലങ്കാനയില്‍ 2006ന് ശേഷമുള്ള ഏറ്റവും കനത്ത താപനിലയാണ് അനുഭവപ്പെടുന്നതെന്ന് ഇന്ത്യന്‍ കാലാവസ്ഥാ വകുപ്പ് ഡയറക്ടര്‍ വൈ കെ റെഡ്ഡി പറഞ്ഞു. ചൂടിനെത്തുടര്‍ന്ന് ഒഡിഷയില്‍ ഈ മാസം 26വരെ സ്‌കൂളുകള്‍ അടച്ചിട്ടിരിക്കുകയാണ്.