ഇസ്‌ലാമിക വികസനബാങ്ക് ഇന്തോനീസ്യക്ക് 520 കോടി ഡോളര്‍ നല്‍കും

ജക്കാര്‍ത്ത: ഇന്തോനീസ്യക്ക് 520 കോടി ഡോളര്‍ വായ്പ നല്‍കുമെന്ന് ഇസ്‌ലാമിക വികസനബാങ്ക്(ഐഡിബി). 2016-20 കാലയളവിലേക്കുള്ള അടിസ്ഥാന സൗകര്യ, ഊര്‍ജരംഗങ്ങളിലെ വികസനത്തിനായാണ് തുക വിനിയോഗിക്കുകയെന്ന് ഇന്തോനീസ്യന്‍ സര്‍ക്കാര്‍ അറിയിച്ചു. ജക്കാര്‍ത്തയില്‍ നടന്ന 41ാം വാര്‍ഷിക യോഗത്തില്‍ അംഗരാജ്യമെന്ന നിലയിലുള്ള സഹകരണം സംബന്ധിച്ച ചര്‍ച്ചകള്‍ വിജയകരമായി പൂര്‍ത്തിയായതായി ഇന്തോനീസ്യന്‍ ധനമന്ത്രിയും ഐഡിബി ഭരണസമിതി ചെയര്‍മാനുമായ ബാംബാങ് ബ്രോജോനെഗോറോ അറിയിച്ചു.