ഇസ്‌ലാമാബാദില്‍ അറസ്റ്റിലായ ശെയ്ഖ് നാബി അഹമ്മദിന് കോണ്‍സുലര്‍ സഹായം തേടി ഇന്ത്യ

ന്യൂഡല്‍ഹി: പാകിസ്താന്‍ തലസ്ഥാനമായ ഇസ്‌ലാമാബാദില്‍ അറസ്റ്റിലായ ശെയ്ഖ് നാബി അഹമ്മദിന് ഇന്ത്യന്‍ കോണ്‍സുലര്‍ സഹായം ലഭ്യമാക്കണമെന്ന് ഇന്ത്യ പാകിസ്താനോട് ആവശ്യപ്പെട്ടു. മെയ് 19ന് ആയിരുന്നു ഇന്ത്യന്‍ പൗരനായ നാബി അറസ്റ്റിലായത്. ഇസ്‌ലാമാബാദിലെ എഫ് 8 മേഖലയില്‍ വച്ച് നാബിയെ പോലിസ് പരിശോധനയ്ക്കായി പിടിച്ചു നിര്‍ത്തുകയും അറസ്റ്റ് ചെയ്യുകയുമായിരുന്നു.
മതിയായ യാത്രാ രേഖകളില്ലാത്തതിനാലാണ് അറസ്റ്റെന്നാണ് ഇസ്‌ലാമാബാദ് പോലിസ് അറിയിച്ചത്. ഞായറാഴ്ച കോടതിയില്‍ ഹാജരാക്കിയ നാബിയെ 14 ദിവസത്തേക്ക് പോലിസ് കസ്റ്റഡിയില്‍ വിട്ടിരുന്നു.