ഇന്‍ക്രിഡിബിള്‍ ഇന്ത്യ; ആമിര്‍ ഖാന് പകരം അമിതാഭ് ബച്ചന്‍ പുതിയ അംബാസിഡര്‍

ന്യൂഡല്‍ഹി: കേന്ദ്ര സര്‍ക്കാരിന്റെ ഇന്‍ക്രിഡിബിള്‍ ഇന്ത്യാ-അതിഥി ദേവോ ഭവ ക്യാംപയിന്റെ അംബാസിഡറായ ആമിര്‍ ഖാന് പകരം അമിതാഭ് ബച്ചന്‍ ചുമതലയേല്‍ക്കും. രാജ്യത്തിന്റെ വിനോദ സഞ്ചാര മേഖലയുടെ പരസ്യ ക്യാംപയിനാണ് ഇന്‍ക്രിഡിബിള്‍ ഇന്ത്യ . ഇന്‍ക്രിഡിബിള്‍ ഇന്ത്യാ ക്യാംപയിന്റെ പരസ്യ കമ്പനിയുടെ കാലാവധി തീര്‍ന്നതിനെ തുടര്‍ന്നാണ് ആമിര്‍ ഖാനെ ഒഴിവാക്കിയതെന്നാണ് കേന്ദ്ര സര്‍ക്കാരിന്റെ വിശദീകരണം.

മൂന്നു വര്‍ഷമാണ് കാലാവധി. കേന്ദ്ര സര്‍ക്കാര്‍ ബച്ചനെ നേരിട്ട് നിയമിക്കുകയായിരുന്നു. സര്‍ക്കാരിന്റെ കത്ത് ബച്ചന്‍ ഇന്ന് സ്വീകരിക്കും.

രാജ്യത്തെ അസഹിഷ്ണുതയെക്കുറിച്ച് വിവാദ പ്രസ്താവന നടത്തിയതിനെ തുടര്‍ന്നാണ് ആമിര്‍ ഖാന്‍ തല്‍സ്ഥാനത്ത് നിന്ന് മാറ്റിയതെന്നാണ് റിപ്പോര്‍ട്ട്. തന്നെ ഒഴിവാക്കിയ തീരുമാനം അപമാനിക്കുന്നതിന് തുല്യമായെന്ന് ആമിര്‍ ഇന്നലെ പറഞ്ഞിരുന്നു.



കഴിഞ്ഞ 10 വര്‍ഷമായി ആമിര്‍ ഖാനാണ് ഇന്‍ക്രിഡിബിള്‍ ഇന്ത്യ ക്യാപയിന്റെ വക്താവ്. പ്രതിഫലം വാങ്ങാതെയാണ് ആമിര്‍ ഈ പദവിയിലിരുന്നത്.