ആസിഡ് ആക്രമണംപാചകത്തൊഴിലാളിക്കെതിരേ കേസ്‌

കൂത്തുപറമ്പ്: മെരുവമ്പായിക്കു സമീപം കണ്ടംകുന്നില്‍ യുവതിയുടെ ശരീരത്തില്‍ ആസിഡൊഴിച്ച് അപായപ്പെടുത്താന്‍ ശ്രമിച്ച സംഭവത്തില്‍ പാചകത്തൊഴിലാളിയുടെ പേരില്‍ പോലിസ് കേസെടുത്തു. ബത്തേരി സ്വദേശി മുസ്തഫ(65)യുടെ പേരിലാണ് കൂത്തുപറമ്പ് പോലിസ് കേസെടുത്തത്. കണ്ടംകുന്ന് ലക്ഷംവീട് കോളനിയിലെ കോമത്ത് വളപ്പില്‍ രതി(35)ക്കു നേരെയാണ് ആസിഡ് ആക്രമണമുണ്ടായത്.
മുഖത്തും കഴുത്തിലും സാരമായി പരുക്കേറ്റ രതി പരിയാരം മെഡിക്കല്‍ കോളജ് ആശുപത്രിയില്‍ ചികില്‍സയിലാണ്. പാചക തൊഴിലാളിയുടെ സഹായിയായി ജോലി നോക്കുന്ന രതി മുസ്തഫയ്ക്കു കീഴിലാണ് ജോലി ചെയ്തുവന്നിരുന്നത്. കഴിഞ്ഞ ദിവസം പുലര്‍ച്ചയോടെ ജോലിക്ക് പോവുന്നതിനിടെ വീടിനടുത്ത് നിന്നാണ് ആക്രമിച്ചത്.
കൂത്തുപറമ്പ് പോലിസ് ബത്തേരിയിലെത്തി അന്വേഷണം നടത്തിയെങ്കിലും പ്രതിയെ   കണ്ടെത്താനായിട്ടില്ല. പോലിസ് അന്വേഷണം ഊര്‍ജ്ജിതമാക്കിയിട്ടുണ്ട്.