ആവേശപ്പോരില്‍ മാലിയെ പരാഗ്വെ വീഴ്ത്തി

മുംബൈ: അണ്ടര്‍ 17 ലോകകപ്പിലെ ആവേശപ്പോരില്‍ മാലിയെ പരാഗ്വെ വീഴ്ത്തി. മാലിയെ രണ്ടിനെതിരെ മൂന്ന് ഗോളുകള്‍ക്കാണ് പരാഗ്വെ മുട്ടുകുത്തിച്ചത്. ഒന്നാം പകുതിയില്‍ ഇരു കൂട്ടരും 2-2  തുല്യത പാലിച്ചെങ്കിലും രണ്ടാം പകുതിയില്‍ പരാഗ്വെ കളി കൈക്കലാക്കുകയായിരുന്നു.
12ാം മിനിറ്റില്‍ അന്റോണിയോ ഗലിയാനോയിലൂടെ പരാഗ്വെ അക്കൗണ്ട് തുറന്നപ്പോള്‍ 17ാം മിനിറ്റില്‍ സാഞ്ചസ് ലീഡുയര്‍ത്തി. എന്നാല്‍ 20ാം മിനിറ്റില്‍ ഡ്രെയിമും 34ാം മിനിറ്റില്‍ ലാസന്നയും മാലിയ്ക്കായി ഗോള്‍ നേടിയതോടെ ഒന്നാം പകുതിയില്‍ 2-2 സമനിലയോടെയാണ് ഇരു ടീമുകളും കളി പിരിഞ്ഞത്.
രണ്ടാം പകുതിയുടെ 55ാം മിനിറ്റില്‍ ഫ്രാന്‍സിസ്‌കോ റോഡ്രിഗസാണ് പാരാഗ്വെയുടെ വിജയ ഗോള്‍ നേടിയത്. പെനല്‍റ്റിയിലൂടെയാണ് പരാഗ്വെയുടെ വിജയ ഗോള്‍ പിറന്നത്. ജയത്തോടെ പരാഗ്വെ ഗ്രൂപ്പ് ബിയില്‍ ഒന്നാമതെത്തി.