ആനാവൂര് നാഗപ്പന് ജില്ലാ സെക്രട്ടറി
BY ajay G.A.G5 Feb 2018 8:06 AM GMT
X
ajay G.A.G5 Feb 2018 8:06 AM GMT
തിരുവനന്തപുരം : സിപിഎം തിരുവനന്തപുരം ജില്ലാ സെക്രട്ടറിയായി ആനാവൂര് നാഗപ്പനെ വീണ്ടും തെരഞ്ഞെടുത്തു. 45 അംഗ ജില്ലാ കമ്മിറ്റിയെയും തിങ്കളാഴ്ച സമാപിച്ച ജില്ലാ സമ്മേളനം തെരഞ്ഞെടുത്തു. ഏഴുപേര് പുതുമുഖങ്ങളാണ്. ആനാവൂര് നാഗപ്പന് രണ്ടാം തവണയാണ് ജില്ലാ സെക്രട്ടറിയാവുന്നത്.
ജില്ലാ സെക്രട്ടറിയായിരുന്ന കടകംപള്ളി സുരേന്ദ്രന് നിയമസഭാ തെരഞ്ഞെടുപ്പിന്റെ ഭാഗമായി സ്ഥാനമൊഴിഞ്ഞതിനെ തുടര്ന്ന് 2016 മാര്ച്ചിലാണ് ആനാവൂര് നാഗപ്പനെ ജില്ലാ സെക്രട്ടറിയായി ആദ്യം തെരഞ്ഞെടുത്തത്.
സിപിഐ എം സംസ്ഥാന കമ്മിറ്റി അംഗം, കര്ഷകത്തൊഴിലാളി യൂണിയന് സംസ്ഥാന വൈസ് പ്രസിഡന്റ്, കേന്ദ്ര വര്ക്കിങ് കമ്മിറ്റി അംഗം എന്നീ നിലകളില് ആനാവൂര് പ്രവര്ത്തിച്ചുവരുന്നു. കുന്നത്തുകാല് പഞ്ചായത്ത് പ്രസിഡന്റായും തിരുവനന്തപുരം ജില്ലാ പഞ്ചായത്ത് പ്രസിഡന്റായും പ്രവര്ത്തിച്ചിട്ടുണ്ട്. വിദ്യാര്ഥിയുവജന മേഖലകളിലെ പ്രവര്ത്തനങ്ങളിലൂടെ പൊതുരംഗത്തേക്കുവന്ന ആനാവൂര് കര്ഷകത്തൊഴിലാളി മേഖലയിലാണ് കേന്ദ്രീകരിച്ചത്. എണ്ണമറ്റ ഭൂസമരങ്ങള്ക്ക് നേതൃത്വം നല്കി. നെയ്യാറ്റിന്കര താലൂക്കില് കുന്നത്തുകാല് പഞ്ചായത്തിലെ ആനാവൂര് ദീപാസിലാണ് താമസം. ശശികലയാണ് ഭാര്യ. ദീപു, ദീപ എന്നിവര് മക്കള്.
ജില്ലാ കമ്മിറ്റിയിലെ പുതുമുഖങ്ങള്: ഐ സാജു, എ എ റഹിം,കെ അന്സലന് എംഎല്എ , എം ജി മീനാംബിക, വി എസ് പത്മകുമാര്,ശശാങ്കന്, അഡ്വ. ഷാജഹാന്.
Next Story
RELATED STORIES
കളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMTകോഴിക്കോട് മെഡിക്കല് കോളജ് ഐസിയു പീഡനക്കേസ് അതിജീവിതയുടെ സമരം...
23 April 2024 11:31 AM GMTമോദിയുടെ വര്ഗീയപ്രസംഗം: പരാതി പരിശോധിച്ചു വരികയാണെന്ന് തിരഞ്ഞെടുപ്പ്...
23 April 2024 11:02 AM GMT