അശാസ്ത്രീയ ടാറിങ് : ചേറ്റുവ പാലത്തില് അപകട ഭീഷണി
BY fousiya sidheek16 Jun 2017 7:15 AM GMT
fousiya sidheek16 Jun 2017 7:15 AM GMT
ചാവക്കാട്: മഴ കനത്തതോടെ ചേറ്റുവ പാലത്തില് അപകട ഭീഷണി. കഴിഞ്ഞ വര്ഷം പാലത്തില് ടാറിങ് നടത്തിയ ശേഷം പാലത്തിനു മുകളില് വെച്ച് നിരവധി അപകടങ്ങളാണ് അരങ്ങേറിയിട്ടുള്ളത്. പാലത്തില് ടാറിങ് നടത്തിയിട്ടുള്ളത് അശാസ്ത്രീയമായാണെന്നും ഇത് അപകടങ്ങള് കാരണമാകുന്നതായുമുള്ള വാര്ത്തകള് അവഗണിച്ചതാണ് അപകടങ്ങള് പതിവാകാന് കാരണം. അറ്റകുറ്റപ്പണികള്ക്ക് ശേഷം കനത്തില് ടാര് ഒഴിച്ച് മെറ്റല് പാകിയാണ് പാലത്തിനു മുകളിലെ റോഡിനു ഗ്രിപ്പ് ഉണ്ടാക്കാന് ശ്രമിച്ചിട്ടുള്ളത്. അപരിചിതമായ ഈ പുതിയ വിദ്യയാണ് ചേറ്റുവ പാലത്തിലെ അപകടങ്ങള്ക്ക് കാരണം. കഴിഞ്ഞ മാസങ്ങളിലും പാലത്തില് അപകടങ്ങളും വാഹനങ്ങളുടെ കൂട്ടിയിടികളും ഉണ്ടായിട്ടുണ്ട്. ബ്രേക്ക് ചവിട്ടുമ്പോള് വാഹനത്തിന്റെ നിയന്ത്രണം നഷ്ടപ്പെടുന്നു എന്നാണ് അപകടത്തില്പെട്ട വാഹനങ്ങളിലെ ഡ്രൈവര്മാര് സാക്ഷ്യപ്പെടുത്തുന്നത്. റോഡിലെ ഗ്രിപ്പ് കുറവ് എന്നതിനേക്കാള് നാള്ക്കുനാള് വര്ധിച്ചുവരുന്ന മിനുസമാണ് വില്ലനാവുന്നത്. ഗ്രിപ്പിനു വേണ്ടി വിരിച്ച മെറ്റലുകള് വാഹനങ്ങള് കയറിയിറങ്ങിയതോടെ ടാറില് അമര്ന്നു പോയ നിലയിലാണ്. മുമ്പ് ചാറ്റല് മഴയുള്ള സമയത്ത് ചേറ്റുവ പാലത്തില് അഞ്ചു വാഹനങ്ങള് ഒന്നിനു പുറകെ ഒന്നായി കൂട്ടിയിടിച്ച് അപകടം നടന്നിരുന്നു. അന്ന് ടാറിങിലെ അപാകതക്കെതിരേ പ്രതിഷേധം ഉയര്ന്നിരുന്നെങ്കിലും അധികൃതര് യാതൊരു നടപടിയും സ്വീകരിച്ചിരുന്നില്ല. ചാറ്റല് മഴ സമയത്തു പോലും ചേറ്റുവ പാലത്തില് അപകടങ്ങള് നിത്യസംഭവമായിരിക്കുകയാണ്. ശക്തമായ മഴ വരാനിരിക്കെ ചേറ്റുവ പാലത്തിലെ ടാറിങിലെ അപാകതക്ക് പരിഹാരം കണ്ടില്ലെങ്കില് ചെറുതും വലുതുമായ നിരവധി അപകടങ്ങളായിരിക്കും അരങ്ങേറുക.
Next Story
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT