അറവുമാലിന്യം ചുരത്തില് തള്ളി;മൂന്നുപേര് പിടിയില്
BY fousiya sidheek5 Oct 2017 6:54 AM GMT
fousiya sidheek5 Oct 2017 6:54 AM GMT
ലക്കിടി: ചുരത്തില് അറവുമാലിന്യം തള്ളിയ മൂന്നുപേരെ പിടികൂടി. കല്പ്പറ്റ സ്വദേശികളായ അമ്പലങ്ങാട് സിദ്ദീഖ് (21), പാലക്കാപ്പറമ്പില് ഹര്ഷാദ് (24), ഇരിട്ടി കുളിയന്തറ സ്വദേശിയായ പതിനേഴുകാരന് എന്നിവരെയാണ് ചുരം സംരക്ഷണസമിതി പ്രവര്ത്തകര് പിടികൂടി താമരശ്ശേരി പോലിസിന് കൈമാറിയത്. രണ്ടു ചാക്കുകളിലായി കോഴിക്കോട് ഭാഗത്തുനിന്ന് ഗുഡ്സില് കയറ്റിക്കൊണ്ടുവന്ന അറവുമാലിന്യത്തില് ഒരു ചാക്ക് ചുരത്തില് നിക്ഷേപിച്ചിരുന്നു. അടുത്ത ചാക്ക് തട്ടാനുള്ള ശ്രമം ചുരം സംരക്ഷണസമിതി പ്രവര്ത്തകരുടെ ശ്രദ്ധയില്പെടുകയായിരുന്നു. ഉച്ചസമയത്ത് ചുരത്തില് യാത്രക്കാര് കുറവുള്ള നേരം നോക്കിയാണ് ഇവര് മാലിന്യം തട്ടിയതെന്നു പ്രവര്ത്തകര് പറഞ്ഞു. പരസ്പരവിരുദ്ധമായ കാര്യങ്ങള് പറയുന്നതിനാല് താമരശ്ശേരി പോലിസില് അറിയിക്കുകയും പോലിസ് സ്ഥലത്തെത്തി മൂന്നുപേരെയും വാഹനസഹിതം കസ്റ്റഡിയിലെടുക്കുകയും ചെയ്തു. ചുരത്തില് മാലിന്യം നിക്ഷേപിക്കുന്നവര്ക്കെതിരേ കര്ശന നടപടികള് സ്വീകരിക്കണമെന്നു ചുരം സംരക്ഷണസമിതി ആവശ്യപ്പെട്ടു. ഇത്തരക്കാരെ ചെറിയ തുക പിഴയീടാക്കി വിട്ടയക്കുന്നതാണ് മാലിന്യനിക്ഷേപം ആവര്ത്തിക്കാന് ഇടയാക്കുന്നത്. പൂര്ണമായി ഒഴിവാക്കാന് കര്ശന നടപടികള് ആവശ്യമാണെന്നും സമിതി പ്രവര്ത്തകര് ചൂണ്ടിക്കാട്ടി.
Next Story
RELATED STORIES
കളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTകോഴിക്കോട് മെഡിക്കല് കോളജ് ഐസിയു പീഡനക്കേസ് അതിജീവിതയുടെ സമരം...
23 April 2024 11:31 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMT