അമ്പലപ്പുഴ- എടത്വ റോഡ് നിര്മാണം ഇടതു സര്ക്കാരിന്റെ കാലത്ത് നടത്തില്ല ; കരാറുകാര്ക്കെതിരേ ആക്ഷേപവുമായി പൊതുമരാമത്ത് മന്ത്രി ജി സുധാകരന്
BY fousiya sidheek8 May 2017 5:56 AM GMT
fousiya sidheek8 May 2017 5:56 AM GMT
ആലപ്പുഴ: കരാറുകാര്ക്കെതിരേ ആക്ഷേപവുമായി പൊതുമരാമത്ത് മന്ത്രി ജി സുധാകരന്. ആലപ്പുഴയില് ടാക്സ് കണ്സല്ട്ടന്സ് അസോസിയേഷന് സംസ്ഥാന സമ്മേളനത്തില് പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കരാറുകാര് പല റോഡ് നിര്മാണങ്ങള്ക്കും തടസ്സം നില്ക്കുകയാണ്. കരാറുകാരുടെ പൊള്ളത്തരം ജനങ്ങള് മനസ്സിലാക്കണമെന്നും മന്ത്രി പറഞ്ഞു. ആധുനിക യന്ത്ര സംവിധാനങ്ങളുമായി നടത്തുന്ന റോഡ് നിര്മാണം ചില കരാറുകാര്ക്ക് ഇഷ്ടപ്പെടുന്നില്ല. അമ്പലപ്പുഴ- എടത്വ റോഡ് നിര്മാണത്തിനെതിരേ ചില കരാറുകാര് ചേര്ന്ന് സ്റ്റേ സമ്പാദിച്ചിരിക്കുകയാണ്. ഈ റോഡ് ഇടതു സര്ക്കാരിന്റെ കാലത്ത് നിര്മിക്കില്ല. കരാറുകാരുടെ ഇടപെടല് ജനങ്ങള് അറിയട്ടെയെന്നും മന്ത്രി പറഞ്ഞു. ജനങ്ങള്ക്ക് വേണ്ടിയുള്ള റോഡ് നിര്മാണം പ്രോല്സാഹിപ്പിക്കുന്നതിന് പകരം നിരുല്സാഹപ്പെടുത്തുകയാണ്. പൊതുജന നന്മയ്ക്ക് വേണ്ടിയാണ് റോഡ് നിര്മിക്കുന്നത്. ഇത് മനസ്സിലാക്കാതെയാണ് പലരും പ്രവര്ത്തിക്കുന്നത്. റോഡ് നിര്മാണത്തില് പ്രഫഷനലിസം വേണ്ടെന്നാണ് ചിലരുടെ അഭിപ്രായം. പ്രഫഷനലിസമില്ലെങ്കില് അഴിമതി വര്ധിക്കും. റോഡ് ഏറെക്കാലം ഈടു നില്ക്കുന്നതിനും പ്രഫഷനിലസം അത്യാവശ്യമാണ്. അസോസിയേഷന് പ്രസിഡന്റ് എ എന് പുരം ശിവകുമാര് അധ്യക്ഷത വഹിച്ചു.
Next Story
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMT