അഭയകേസ്:സിബിഐ ജഡ്ജിയെ സ്ഥലംമാറ്റി
BY kasim kzm31 Dec 2017 2:44 AM GMT
kasim kzm31 Dec 2017 2:44 AM GMT
തിരുവനന്തപുരം: സിസ്റ്റര് അഭയകേസിന്റെ വിചാരണ നടപടികളില്നിന്നു പിന്മാറിയ സിബിഐ ജഡ്ജി ജോണി സെബാസ്റ്റിയനെ കോഴിക്കോട് സെഷന്സ് ജഡ്ജിയായി സ്ഥലംമാറ്റി. പുതിയ സിബിഐ ജഡ്ജിയായി ജെ നാസറിനെ ഹൈക്കോടതി നിയമിച്ചു. അഭയ കേസില് ഒരു സാക്ഷിയുടെ രഹസ്യമൊഴി അന്ന് മജിസ്ട്രേറ്റ് ആയിരുന്ന ഇപ്പോഴത്തെ സിബിഐ ജഡ്ജി രേഖപ്പെടുത്തിയിരുന്നു. ഇതേതുടര്ന്ന് ജഡ്ജി ജോണി സെബാസ്റ്റിയന് പ്രോസിക്യൂഷന് സാക്ഷിയായി. തുടര്ന്ന് വിചാരണ നടപടികളില്നിന്നു താന് പിന് മാറുകയാണെന്നും അതിനാല് അഭയകേസിന്റെ വിചാരണ തിരുവനന്തപുരം സിബിഐ കോടതിയില്നിന്ന് എറണാകുളം സിബിഐ കോടതിയിലേക്കു മാറ്റണമെന്നും അഭ്യര്ഥിച്ചു അദ്ദേഹം ഹൈക്കോടതി രജിസ്ട്രാര് ജനറലിന് രേഖാമൂലം കത്ത് നല്കിയിരുന്നു. എന്നാല്, കോടതി മാറ്റത്തിനു പകരം ജഡ്ജിയെ തന്നെ മാറ്റി പുതിയ ജഡ്ജിയെ നിയമിച്ച് ഹൈക്കോടതി ഉത്തരവിട്ടു. പുതിയ സിബിഐ കോടതി ജഡ്ജി ജെ നാസര് മുമ്പാകെ ജനുവരി ഒന്നിന് അഭയ കേസ് പരിഗണിക്കും. അഭയ കേസില് തെളിവ് നശിപ്പിക്കാന് കൂട്ടുനിന്നതിന് ക്രൈംബ്രാഞ്ച് റിട്ട. എസ്പി കെ ടി മൈക്കിള് ഉള്പ്പെടെ എട്ടുപേരെ സിബിഐ റിപോര്ട്ടിന്റെ അടിസ്ഥാനത്തില് പ്രതിചേര്ക്കണമെന്ന് ജോമോന് പുത്തന്പുരയ്ക്കലിന്റെ ഹരജി വാദംപൂര്ത്തിയാക്കി വിധി പറയാനിരിക്കെയാണ് ജഡ്ജി പിന്മാറിയത്.
Next Story
RELATED STORIES
പട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMTലോക്സഭാ തിരഞ്ഞെടുപ്പില് കേരളം നാളെ വിധിയെഴുതും;ഇന്ന് നിശബ്ദ പ്രചാരണം
25 April 2024 5:21 AM GMTഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMT