അധ്യാപകരുടെ മുന്കൂര് ജാമ്യാപേക്ഷയില് വിധി 10ന്
BY fousiya sidheek8 Nov 2017 2:47 AM GMT
fousiya sidheek8 Nov 2017 2:47 AM GMT
കൊച്ചി: കൊല്ലം ട്രിനിറ്റി ലൈസിയം സ്—കൂളിലെ പത്താംക്ലാസ് വിദ്യാര്ഥിനി ഗൗരി നേഹ സ്കൂള് കെട്ടിടത്തിന് മുകളില് നിന്ന് ചാടി ആത്മഹത്യ ചെയ്ത സംഭവത്തില് മുന്കൂര് ജാമ്യം തേടി രണ്ട് അധ്യാപകര് സമര്പ്പിച്ച അപേക്ഷ ഹൈക്കോടതി വിധി പറയാന് മാറ്റി. ഈ മാസം 10ന് കോടതി വിധി പറയും. അധ്യാപകരെ കസ്റ്റഡിയില് എടുത്തു ചോദ്യം ചെയ്യാതെ കേസില് നിര്ണായകമായ തെളിവുകള് ലഭിക്കില്ലെന്നു പ്രോസിക്യൂഷന് ഇന്നലെയും വാദിച്ചു. സംഭവങ്ങളുടെ സിസിടിവി ദൃശ്യങ്ങള് സമര്പ്പിക്കാമെന്നും പ്രോസിക്യൂഷന് കോടതിയെ അറിയിച്ചു. ജാമ്യാപേക്ഷയെ എതിര്ത്ത് കേസില് കക്ഷി ചേര്ന്ന നേഹയുടെ പിതാവും ശക്തമായ വാദമാണ് ഉയര്ത്തിയത്. ലൈസിയം സ്കൂളിനെ സ്കൂളായി കാണരുതെന്നും അതൊരു പീഡന കേന്ദ്രമാണെന്നും നേഹയുടെ പിതാവിന് വേണ്ടി ഹാജരായ മുതിര്ന്ന അഭിഭാഷകന് വാദിച്ചു. ഉച്ചഭക്ഷണം കഴിക്കാനിരുന്ന കുട്ടിയാണ് മറ്റൊരു കെട്ടിടത്തില് പോയി ആത്മഹത്യ ചെയ്യാന് പ്രേരിപ്പിക്കപ്പെട്ടത്. കുട്ടി ഗുരുതരമായ പരിക്കേറ്റ് ചികില്സയിലിരിക്കെ തൊട്ടടുത്ത ദിവസം അതേ ക്ലാസിലെ വിദ്യാര്ഥികള്ക്കു വേണ്ടി സ്പെഷ്യല് ക്ലാസെടുത്തു. കുട്ടികളുടെ മൊഴിയെ വരെ സ്കൂള് അധികൃതരും പോലിസും സ്വാധീനിച്ചിരിക്കുകയാണെന്നും അഭിഭാഷകന് വാദിച്ചു. എല്ലാ തെളിവുകളിലും കൃത്രിമം കാണിച്ചിട്ടുണ്ടെന്നു നേഹയുടെ പിതാവ് തുടര്ന്നു വാദിച്ചു. ഈ വാദങ്ങള്ക്ക് ശേഷമാണ് കോടതി ജാമ്യാപേക്ഷ വിധി പറയാന് മാറ്റിയത്.
Next Story
RELATED STORIES
കൂച്ച്ബിഹാറില് തിരഞ്ഞെടുപ്പ് ഡ്യൂട്ടിയില് ഉണ്ടായിരുന്ന സിആര്പിഎഫ്...
19 April 2024 6:32 AM GMTകോന്നി ഗവ മെഡിക്കല് കോളജ് അത്യാഹിതവിഭാഗത്തിലേക്ക് കാട്ടുപന്നിക്കുഞ്ഞ് ...
19 April 2024 6:30 AM GMTയു.എന്നില് ഫലസ്തീന് അംഗത്വം; രക്ഷാ സമിതിയുടെ പ്രമേയം വീറ്റോ ചെയ്ത്...
19 April 2024 6:08 AM GMTകാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMTപൂരങ്ങളുടെ പൂരമായ തൃശൂർ പൂരത്തിന് തുടക്കമായി
19 April 2024 5:51 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMT