അഞ്ചു ഭാഷകളില് പ്രകടനപത്രികയുമായി തൃണമൂല് കോണ്ഗ്രസ്
BY sdq Kappan13 March 2016 3:45 AM GMT
X
sdq Kappan13 March 2016 3:45 AM GMT
കൊല്ക്കത്ത: അഞ്ച് ഭാഷകളില് തിരഞ്ഞെടുപ്പ് പ്രകടനപത്രികയുമായി തൃണമൂല് കോണ്ഗ്രസ്. ബംഗാളി, ഇംഗ്ലീഷ്, ഹിന്ദി, ഉര്ദു എന്നിവക്ക് പുറമെ, സന്താലി ഭാഷയില്പ്പെട്ട ഒല്ചികിയിലുമുണ്ട്. 2011ലെ തിരഞ്ഞെടുപ്പ് വാഗ്ദാനങ്ങളേക്കാള് കൂടുതല് കാര്യങ്ങള് മമത ബാനര്ജി സര്ക്കാര് ചെയ്തുവെന്ന് അവകാശപ്പെടുന്ന പത്രികയില് സിംഗൂരിലെ വിവാദ ഭൂമി തിരിച്ച് കര്ഷകര്ക്ക് നല്കുന്ന ബില്ല് കോടതി ഇടപെടലിനെ തുടര്ന്ന് തടസപ്പെട്ടിരിക്കുകയാണെന്നും ചൂണ്ടിക്കാട്ടുന്നു.
ഭൂമി വിട്ടുനല്കാന് താല്പര്യമില്ലാത്ത കര്ഷകര്ക്ക് തിരിച്ചുനല്കാന് കഴിയുമെന്നാണ് വിശ്വാസമെന്ന് മമത ബാനര്ജി ആത്മവിശ്വാസം പ്രകടിപ്പിച്ചു. പ്രദേശത്തെ 600 ഏകര് ഫാക്ടറി നിര്മാണത്തിന് വിട്ടുനല്കിയ ശേഷം 400 ഏകര് കര്ഷകര്ക്ക് തിരികെ നല്കും. ടാറ്റ മോട്ടോഴ്സ് കമ്പനിയുടെ നാനോ കാര് നിര്മാണ ഫാക്ടറിക്ക് വേണ്ടി ഇടത് സര്ക്കാരിന്റെ കാലത്ത് കര്ഷകരില് നിന്നു ഏറ്റെടുത്തതായിരുന്നു സിംഗൂരിലെ കൃഷി പാടങ്ങള്. കൃഷി ഭൂമി ഏറ്റെടുത്ത് വ്യവസായം ആരംഭിക്കുന്നതിനെ മമത തുടക്കം മുതല് എതിരായിരുന്നു. വ്യവസായ പുരോഗതിക്ക് വേണ്ട പദ്ധതികള് വിവരിക്കുന്ന തൃണമൂലിന്റെ പ്രകടന പത്രികയിലെ എട്ട് പേജിലും സിംഗൂരിനെ പരാമര്ശിക്കുന്നില്ല. നിരവധി കാര്ഷിക-വ്യാവസായിക പദ്ധതികള് നടപ്പാക്കിയെന്നും അവര് അവകാശപ്പെടുന്നു. എന്നാല് എവിടെയാണ് മമത തൊഴിലവസരങ്ങളുണ്ടാക്കിയതെന്ന് സിപിഎം നേതാവ് മുഹമ്മദ് സലീം ചോദിച്ചു.
വാഗ്ദാനം ചെയ്ത 41 മള്ട്ടി സ്പെഷ്യാലിറ്റി ആശുപത്രികളില് 30 എണ്ണത്തിന്റെ പണി പൂര്ത്തിയായെന്നും ബാക്കി അന്തിമ ഘട്ടത്തിലാണെന്നും പത്രികയിലുണ്ട്. രണ്ടു രൂപക്ക് അരി, വിദ്യാര്ഥികള്ക്ക് സൈക്കിള്, വിദ്യാര്ഥിനികള്ക്ക് സ്കോളര്ഷിപ്പ്, സൗജന്യ ആരോഗ്യ പരിരക്ഷ തുടങ്ങിയ പദ്ധതികള് ഇത്തവണയും പത്രികയില് ഇടംപിടിച്ചു.
അതേസമയം, തൃണമൂലിനെതിരേയുണ്ടാക്കിയ സിപിഎം-കോണ്ഗ്രസ് സഖ്യത്തില് സീറ്റ് നിര്ണയത്തെ ചൊല്ലി ഭിന്നത ഉടലെടുത്തെന്നാണ് റിപോര്ട്ടുകള്. കോണ്ഗ്രസിന് വിട്ടുനല്കേണ്ട സീറ്റുകളില് കൂടി സിപിഎം സ്ഥാനാര്ഥികളെ പ്രഖ്യാപിച്ചിട്ടുണ്ടെന്ന് കോണ്ഗ്രസ് നേതാക്കള് ആരോപിച്ചു.
Next Story
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT