അഞ്ചാംപനി: റൂബെല്ല പ്രതിരോധ കുത്തിവയ്പ് ആരംഭിച്ചു

കാസര്‍കോട്്: അഞ്ചാം പനി (മീസില്‍സ്)-റൂബല്ലാ പ്രതിരോധകുത്തിവെപ്പ് ആരംഭിച്ചു. പള്ളിക്കര സെന്റ് ആന്‍സ് എയുപി സ്‌കൂളില്‍ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് എ ജി സി ബഷീര്‍ നിര്‍വഹിച്ചു. നീലേശ്വരം നഗരസഭ ചെയര്‍മാന്‍ പ്രഫ. കെ പി ജയരാജന്‍ അധ്യക്ഷത വഹിച്ചു.കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റേയും സംസ്ഥാന സര്‍ക്കാറിന്റേയും നേതൃത്വത്തിലാണ്് അഞ്ചാംപനി (മീസില്‍സ്), റൂബല്ല എന്നീ രോഗങ്ങള്‍ക്കെതിരേ പ്രതിരോധകുത്തിവയ്പ്പ് നടത്തുന്നത്. ഈ മാസം 24 വരെ ഒമ്പത് മാസത്തിനും 15 വയസിനുമിടയില്‍ പ്രായമുള്ള മുഴുവന്‍ കുട്ടികള്‍ക്കും കുത്തിവയ്പ്പ് നടത്തും. ജില്ലയില്‍ 3,21,309 കുട്ടികള്‍ക്കാണ് പ്രതിരോധ മരുന്ന് നല്‍കുന്നത്. ജില്ലയിലെ മുഴുവന്‍ വിദ്യാലയങ്ങളും ആരോഗ്യസംവിധാനങ്ങളും അങ്കണവാടികളും മുഴുവന്‍ കുട്ടികള്‍ക്കും പ്രതിരോധ മരുന്ന് നല്‍കും.