അങ്ങാടിപ്പുറം മേല്‍പ്പാലം തുറന്നു

പെരിന്തല്‍മണ്ണ : അങ്ങാടിപ്പുറം റെയില്‍വേ മേല്‍പ്പാലം ഗതാഗതത്തിനായി തുറന്നുകൊടുത്തു. തിരഞ്ഞെടുപ്പ് പെരുമാറ്റച്ചട്ടം നിലവില്‍ വന്നതിനാല്‍ ഔദ്യോഗികമായ ഉദ്ഘാടനച്ചടങ്ങ് നടത്താനാവാത്ത സാഹചര്യത്തിലാണ് പാലം ചടങ്ങുകളോ ആഘോഷങ്ങളോ ഇല്ലാതെ തുറന്നുകൊടുക്കാന്‍ സബ്കലക്ടര്‍ ജാഫര്‍ മാലികിന്റെ നേതൃത്വത്തില്‍ രാഷ്ട്രീയപാര്‍ട്ടികളുടെയും റെയില്‍വെ -ആര്‍ബിഡിസി ഉദ്യോഗസ്ഥരുടെയോഗം തീരുമാനിച്ചത്. ഉദ്ഘാടനത്തോടനുബന്ധിച്ച് യാതൊരുവിധ ആഘോഷങ്ങളും പാടില്ലെന്ന് സബ്കലക്ടര്‍ നിര്‍ദേശം നല്‍കിയിയിരുന്നു.



പാലം തുറന്നുകൊടുത്തതോടെ താഴെഭാഗത്തുകൂടിയുള്ള ഗതാഗതം റെയില്‍വേ  പൂര്‍ണമായി നിരോധിച്ചിരിക്കുകയാണ്. ഇത് ഏറെ വിമര്‍ശനത്തിനിടയാക്കിയിട്ടുണ്ട്.