മൂര്ക്കനാട് ഉത്സവത്തിനിടെ കത്തിക്കുത്ത്; മരണം രണ്ടായി
തൃശ്ശൂര്: മൂര്ക്കനാട് ഉത്സവത്തിനിടെ നടന്ന കത്തിക്കുത്തില് മരണം രണ്ടായി. ആനന്ദപുരം സ്വദേശി പൊന്നത്ത് വീട്ടില് പ്രഭാകരന്റെ മകന് സന്തോഷ് (40) ആണ് മരിച്ചത്. ഇന്ന് പുലര്ച്ചെയാണ് മരണം സംഭവിച്ചത്. കഴിഞ്ഞ ദിവസം ഉത്സവത്തിന്റെ ആറാട്ടിനോട് അനുബന്ധിച്ചുള്ള വെടിക്കെട്ടിനിടെയാണ് മൂര്ക്കനാട് ആലുംപറമ്പില് വച്ച് സംഘര്ഷം നടന്നത്. മുന്പ് നടന്ന ഫുട്ബോള് ടൂര്ണമെന്റില് ഉണ്ടായ സംഘര്ഷത്തിന്റെ തുടര്ച്ചയാണെന്ന് പോലിസ് പറഞ്ഞു. സംഘം ചേര്ന്ന് ചേരിതിരിഞ്ഞ് നടന്ന സംഘര്ഷത്തില് ആറോളം പേര്ക്ക് കുത്തേറ്റിരുന്നു. ഇതില് വെളുത്തൂര് സ്വദേശി അക്ഷയ് (21) സംഭവ സ്ഥലത്ത് വച്ച് തന്നെ മരിച്ചിരുന്നു. നാല് പേര് ഇപ്പോഴും തൃശ്ശൂരിലെ സ്വകാര്യ ആശുപത്രിയില് ചികിത്സയിലാണ്.
ഗുരുതര പരിക്കേറ്റ സന്തോഷ് എറണാകുളത്ത് സ്വകാര്യ ആശുപത്രിയില് ചികിത്സയിലിരിക്കെയാണ് ഇന്ന് പുലര്ച്ചെയാണ് മരിച്ചത്. ഇയാളുടെ ആന്തരിക അവയവങ്ങള്ക്ക് കത്തി കുത്തില് പരിക്കേറ്റിരുന്നു. സംഭവത്തില് പ്രായപൂര്ത്തിയാകാത്ത ഒരാള് അടക്കം ആറ് പേരെ പോലിസ് അറസ്റ്റ് ചെയ്തിട്ടുണ്ട്. പ്രധാന പ്രതികള് ഇനിയും പിടിയിലായിട്ടില്ല.
RELATED STORIES
എറണാകുളം അവയവക്കടത്ത് കേസ്: രാജ്യാന്തര അവയവ മാഫിയയുമായി പ്രതിക്ക്...
20 May 2024 6:23 AM GMTതിരച്ചിലിന് വിരാമം; ഇറാന് പ്രസിഡന്റ് ഇബ്രാഹിം റഈസി ഹെലികോപ്റ്റര്...
20 May 2024 4:34 AM GMTഇംഗ്ലീഷ് പ്രീമിയര് ലീഗ് കിരീടം പെപ്പിന്റെ മാഞ്ചസ്റ്റര് സിറ്റിക്ക്...
19 May 2024 6:16 PM GMTഇസ്രായേലിന്റെ സാന്നിധ്യം; ഫിഫ വാര്ഷികാഘോഷത്തില് നിന്നും ഇറങ്ങിപ്പോയി ...
19 May 2024 11:15 AM GMTകോഴിക്കോട് മെഡിക്കല് കോളജില് വീണ്ടും ശസ്ത്രക്രിയ പിഴവെന്ന് പരാതി;...
19 May 2024 4:49 AM GMTതിരുവനന്തപുരത്ത് തോരാമഴ; പൊന്മുടി ഇക്കോ ടൂറിസത്തിലേക്കുള്ള യാത്ര...
19 May 2024 4:42 AM GMT