മുസ് ലിം സംവരണം വെട്ടിക്കുറയ്ക്കാനുള്ള നീക്കത്തില് നിന്ന് ഇടതു സര്ക്കാര് പിന്മാറണം: കെ കെ റൈഹാനത്ത്
BY SLV9 May 2024 10:11 AM GMT
X
SLV9 May 2024 10:11 AM GMT
തിരുവനന്തപുരം: ആശ്രിത നിയമനത്തിന്റെ മറവില് വീണ്ടും മുസ് ലിം സംവരണം വെട്ടിക്കുറയ്ക്കാനുള്ള ഇടതു സര്ക്കാര് നീക്കം പ്രതിഷേധാര്ഹമാണെന്നും അര്ഹമായ സംവരണം അട്ടിമറിക്കാനുള്ള ശ്രമത്തില് നിന്ന് അടിയന്തരമായി പിന്തിരിയണമെന്നും എസ് ഡിപിഐ സംസ്ഥാന വൈസ് പ്രസിഡന്റ് കെകെ റൈഹാനത്ത്. എല്ലാ സര്ക്കാര് നിയമനങ്ങളിലും മുസ് ലിം സംവരണത്തിന് നീക്കിവയ്ക്കുന്ന പിഎസ്സി റൊട്ടേഷന് ചാര്ട്ടിലെ ടേണ് 16 ആശ്രിത നിയമനത്തിനായി മാറ്റിവയ്ക്കാനുള്ള നീക്കം ന്യൂനപക്ഷ വഞ്ചനയുടെ തുടര്ച്ചയാണ്. ഇതിനെതിരേ ശക്തമായ പ്രക്ഷോഭത്തിന് കേരളം സാക്ഷിയാകേണ്ടി വരും. ഭിന്നശേഷി സംവരണത്തിന്റെ മറവില് രണ്ടു ശതമാനം മുസ് ലിം സംവരണം വെട്ടിക്കുറച്ച് ഉത്തരവിറക്കിയതും ഇടതു സര്ക്കാര് തന്നെയാണ്. 2019 ലെ ഉത്തരവിനെതിരേ പ്രതിഷേധം ശക്തമായപ്പോള് സംവരണം സംരക്ഷിക്കാന് നടപടി സ്വീകരിക്കുമെന്ന് പ്രഖ്യാപനം മാത്രം നടത്തി സര്ക്കാര് മുസ് ലിം സമൂഹത്തെ കബളിപ്പിക്കുകയായിരുന്നു. ഇടതു സര്ക്കാര് അധികാരത്തിലെത്തിയതു മുതല് പിന്നാക്ക-ന്യൂനപക്ഷ-ദുര്ബല വിഭാഗങ്ങള്ക്ക് സാമൂഹിക നീതി ഉറപ്പാക്കുന്നതിനുള്ള സംവരണം ഏതുവിധേനയും അട്ടിമറിക്കാനുള്ള ശ്രമം തുടരുകയാണ്. പാലൊളി കമ്മിറ്റി ശുപാര്ശ പ്രകാരമുള്ള 80-20 ആനുകുല്യം അട്ടിമറിച്ചതും കേന്ദ്ര ബിജെപി സര്ക്കാര് പാസാക്കിയ 10 ശതമാനം സവര്ണ സംവരണം നടപ്പാക്കിയതും ഉദാഹരണങ്ങളാണ്. ബിജെപി വീണ്ടും അധികാരത്തിലെത്തിയാല് മുസ് ലിം സംവരണം നിര്ത്തലാക്കുമെന്ന് മോദിയും അമിത് ഷായും രാജ്യവ്യാപകമായി കാംപയിന് നടത്തുമ്പോള് കേരളത്തിലെ ഇടതു സര്ക്കാര് തന്ത്രപരമായി അത്തരം സംവരണങ്ങള് ഇല്ലാതാക്കുന്ന സമീപനങ്ങളാണ് സ്വീകരിക്കുന്നത്. ഒരേ സമയം ഫാഷിസ്റ്റ് വര്ഗീയ അജണ്ടകള് പ്രചരിപ്പിച്ചും ന്യൂനപക്ഷങ്ങളെ സംരക്ഷിക്കുമെന്ന് വായ്ത്താരി പറഞ്ഞ് പിന്നിലൂടെ കുത്തുകയും ചെയ്യുന്ന സിപിഎമ്മിന്റെയും ഇടതുപക്ഷത്തിന്റെയും ഒളിയജണ്ടകള് തിരിച്ചറിയണമെന്നും കെ കെ റൈഹാനത്ത് ആവശ്യപ്പെട്ടു.
Next Story
RELATED STORIES
ബെംഗളൂരുവില് റേവ് പാര്ട്ടിക്കിടെ പോലിസ് നടത്തിയ ലഹരിവേട്ടയില്...
20 May 2024 7:04 AM GMTസ്വകാര്യ വസ്തുവിൽ പഞ്ചായത്ത് അധികൃതർ മാലിന്യം കുഴിച്ചിട്ടെന്ന് പരാതി
20 May 2024 7:00 AM GMTഅഫ്ഗാനിലേക്ക് സഹായം തുടർന്ന് ഖത്തർ
20 May 2024 6:58 AM GMTബിജെപി സ്ഥാനാര്ത്ഥിക്ക് എട്ട് തവണ വോട്ടുചെയ്യുന്ന വീഡിയോ പുറത്ത്;...
20 May 2024 6:33 AM GMTകൊട്ടാരക്കര താലൂക്ക് ആശുപത്രി സെക്യൂരിറ്റി ജീവനക്കാരനെ ആക്രമിച്ച കേസിൽ ...
20 May 2024 6:29 AM GMTനാലാം നിലയില് നിന്നും വീണ കുഞ്ഞിനെ അയല്വാസികള് രക്ഷിച്ചെങ്കിലും...
20 May 2024 6:27 AM GMT